Þegar kemur að því að nota stein fyrir heimilið hugsa flestir um eldhús, baðherbergi eða jafnvel stofuna. En steinn getur líka verið einstaklega fallegur og hentugur valkostur í garðinn – sérstaklega við íslenskar aðstæður. Það er til dæmis bæði glæsilegt og praktískt að byggja í kringum grillið eða útieldhús með steini. Hvort sem þú vilt grilla fyrir fjölskylduna á virkum degi eða halda sumarveislu, þá býður steinninn upp á yfirborð sem stenst bæði hitann frá grillinu og íslensk veðurskilyrði. Hann er auðveldur í þrifum og þarfnast lágmarks viðhalds, sem gerir hann einstaklega hentugan í rými sem á að njóta allt árið. Það er líka hægt að fara skrefinu lengra og útbúa sófaborð úr steini með innbyggðum arni eða eldgryfju – fullkomið fyrir notalegar kvöldstundir úti. Þegar kemur að efnisvali fyrir garðinn þá mælum við helst með graníti og quartzite þar sem þessir steinar eru þeir harðgerðustu. Það fer helst eftir þínum persónulega stíl hvort efnið hentar þér.