Sérsmíðaðir steinvaskar

Vinsælasti sérsmíðaði vaskurinn í dag. Tímalaus og klassísk hönnun þar sem niðurfallið er falið og útlitið því einstaklega fágað og stílhreint. Vaskarnir eru smíðaðir úr þeim steini sem þú velur, þannig að verð fer alfarið eftir efnisvali og útfærslu.

Algengasta útfærslan með Unidrain - Unidrain er hágæða niðurfallslausn sem gerir það mögulegt að fela niðurfallið á stílhreinan og fallegan hátt. Í steinvöskum er notaður steinrenningur yfir niðurfallið sem samlagast vaskinum fullkomlega og tryggir einfalt aðgengi að niðurfallinu til hreinsunar. Þú velur þann stein sem passar þínu heimili og við smíðum.

Ferkantaður vaskur með affalli. Stílhreinn ferkantaður vaskur þar sem affallstappinn er staðsettur í miðjunni. Krani er venjulega settur til hliðar, beint í borðplötuna, en ekki í vegginn. Vaskinn er hægt að smíða úr hvaða steini sem er og fer verðið alfarið eftir efninu og nákvæmri útfærslu.